Голосник

20–літя Карпаторусиньского Товариства в ЗША

В пошлідній вікенд (25-27 квітня), в Карпаторусиньскым Центрі Культуры (Мунгал, Пенсильванія), обыло ся святкуваня 20-літя основаня Карпаторусиньского Товариства (Carpatho-Rusyn Society).

Орґанізаторы просили на ювілей не лем Русинів з Лемковины, Підкарпатской Руси, Пряшівщыны, Войводіны, Америкы, або інчых реґіонів, але і каждого, хто може акуратні был недалеко і інтересує го русиньска культура, язык і звычаі.

За три торжественны дни, присутны, плянуючы взяти участ в вельох акциях прирыхтуватых з той нагоды, могли видіти всякого рода выставы, презентациі, показы, прелекциі, послухати русиньской музыкы на концертах, посмакувати русиньского ідла, або піти до церкви на богослужыня.

Пенсильванія то штат в ЗША, до якого м.ін. жытелі Карпатской Руси од ІІ половины ХІХ столітя чысленно направляли ся за хлібом. Іх потомкы жуют ту до днес, а Карпаторусиньскє Товариство являт ся єдным з більшых русиньскых орґанізаций в ЗША.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментарі