Голосник

34. Лемківска Ватра на Чужыні в Михалові

0

Уж по раз 34. прийде нам зыйти ся на Лемківскій Ватрі на Чужыні в Михалові. Тогорічна Ватра буде проходила в днях 1-2. серпня там де все 😉 – значыт на ватряным поли коло церкви св. Михала Архангела в Михалові на Нижнім Шлеску.

З єдной страны буде ся там з тяжкым серцьом іхало, бо як то так – самому добровільні на захід ся выберати? Но і тота спекота, яку заповідают. З бурисками. І градом. Зато з другой страны – буде ся іхало єднак з легкым серцьом. Тож іхаме там зато, же Лемкам ся іщы хоше єднати. Бодай лем през тоты два дни. Бодай лем при пиві… A же не лем пиво задумане, то видиме кєд призриме ся ближе тому, што того рока заплянували орґанізаторы – Стоваришыня Лемків. Єдна част Ватры посвячена буде одданю чести і памяти вязненым і вмерлым в концентрацийным лаґрі в Талергофі в 100. річницю його основаня. Чом то важна річныця, а тым самым памят про Талергоф, хыбаль никому не треба поясняти, але хто бы єднак не знал, або знал слабо, то буде мал нагоду дознати ся в Михалові. Про інчы тогорічны ювілеі і ювілятів дознаме ся в суботнє пополудне коло 16.00 год.. Ци выпадат признавати ся до свойой, як орґанізаторів, річниці? Думам, же так – тым більше, же Стоваришыня Лемків, найстарша лемківска орґанізация, того рока празднує 25-літя діяльности. Ци ся признают? Дознаме ся о тых пару дни. Окрем того, уж згідні з традицийом, вручаны будут нагороды Никыфора для заслуженых в обшыри лемківской культуры. Хто і чым си заслужыл, дознаме ся в пятницю вечер.

Ватряна сцена заполнена буде, по перше – презентацийом русиньского фолкльору, вымінме ту хоцбы запрошены ансамблі: Ластівочка, Кычера, Яблонечка, Сонечка, Терочка, Ластівчата, Кычерка, Чырчанка і Барвінок. Каждий вынятковий і інчый на свій спосіб. А по другє – нагодом до переконаня ся, же сучасна лемківкса творчіст має ся добрі. Очывидні будут то і выконавці, якы базуют на фолкльорі, граючы го на свій неповторний спосіб, як на примір: 7кропка, Гудаци ци, сміло мож уж речы, звізда того рода музыкы – ансамбль Серенча. Але і ансамблі, якы в більшій ступени творят модерну, сучасну, нову русиньску музыку – Надія і Рокаш. Ріжнорідніст ватряного подвірця пошырюют запрошены два польскы ансамблі Літаючий Диван і Діканда.

Кому того вшыткого буде мало, до самого рана до забавы прыгривати будут справджены ансамблі Троянда, Шаріскє Паробці, а і ДіДЖей.

Два нецілы дни то – і вельо і не вельо. Бо де ту іщы змістити єднаня при пиві…? А де і як іщы взяти участ в спортовых змаганях…? Хоц два дни, то нибы 48 годин, 2880 минут, а 172 800 секунд. Но нибы часу дуже…

Plakat.indd

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар

34. Лемківска Ватра на Чужыні в Михалові

0

Уж по раз 34. прийде нам зыйти ся на Лемківскій Ватрі на Чужыні в Михалові. Тогорічна Ватра буде проходила в днях 1-2. серпня там де все 😉 – значыт на ватряным поли коло церкви св. Михала Архангела в Михалові на Нижнім Шлеску.

З єдной страны буде ся там з тяжкым серцьом іхало, бо як то так – самому добровільні на захід ся выберати? Но і тота спекота, яку заповідают. З бурисками. І градом. Зато з другой страны – буде ся іхало єднак з легкым серцьом. Тож іхаме там зато, же Лемкам ся іщы хоше єднати. Бодай лем през тоты два дни. Бодай лем при пиві… A же не лем пиво задумане, то видиме кєд призриме ся ближе тому, што того рока заплянували орґанізаторы – Стоваришыня Лемків. Єдна част Ватры посвячена буде одданю чести і памяти вязненым і вмерлым в концентрацийным лаґрі в Талергофі в 100. річницю його основаня. Чом то важна річныця, а тым самым памят про Талергоф, хыбаль никому не треба поясняти, але хто бы єднак не знал, або знал слабо, то буде мал нагоду дознати ся в Михалові. Про інчы тогорічны ювілеі і ювілятів дознаме ся в суботнє пополудне коло 16.00 год.. Ци выпадат признавати ся до свойой, як орґанізаторів, річниці? Думам, же так – тым більше, же Стоваришыня Лемків, найстарша лемківска орґанізация, того рока празднує 25-літя діяльности. Ци ся признают? Дознаме ся о тых пару дни. Окрем того, уж згідні з традицийом, вручаны будут нагороды Никыфора для заслуженых в обшыри лемківской культуры. Хто і чым си заслужыл, дознаме ся в пятницю вечер.

Ватряна сцена заполнена буде, по перше – презентацийом русиньского фолкльору, вымінме ту хоцбы запрошены ансамблі: Ластівочка, Кычера, Яблонечка, Сонечка, Терочка, Ластівчата, Кычерка, Чырчанка і Барвінок. Каждий вынятковий і інчый на свій спосіб. А по другє – нагодом до переконаня ся, же сучасна лемківкса творчіст має ся добрі. Очывидні будут то і выконавці, якы базуют на фолкльорі, граючы го на свій неповторний спосіб, як на примір: 7кропка, Гудаци ци, сміло мож уж речы, звізда того рода музыкы – ансамбль Серенча. Але і ансамблі, якы в більшій ступени творят модерну, сучасну, нову русиньску музыку – Надія і Рокаш. Ріжнорідніст ватряного подвірця пошырюют запрошены два польскы ансамблі Літаючий Диван і Діканда.

Кому того вшыткого буде мало, до самого рана до забавы прыгривати будут справджены ансамблі Троянда, Шаріскє Паробці, а і ДіДЖей.

Два нецілы дни то – і вельо і не вельо. Бо де ту іщы змістити єднаня при пиві…? А де і як іщы взяти участ в спортовых змаганях…? Хоц два дни, то нибы 48 годин, 2880 минут, а 172 800 секунд. Но нибы часу дуже…

Plakat.indd

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар