Голосник

Андрий Карабелеш і «Тендериця» в проґрамі «Говорить Пряшів» – пятниця, 20.00 год.

0
Радийо Русин.фм з Братиславы як каждый тыжден приносит процийку вісти о плянуваных культурных подіях і роботі русиньскых інституций – музею, театру і ансамблю Пульс.

В Книжници.фм бібліотекар Ігор Латта буде чытал оповіданя Мирона Церулі пн. Тендериця.

Целебритом того тыжня буде Андрий Карабелеш – русиньскій учытель і поета, котрый походил од Свалявы, зо села Тибава. Писал по росийскы, ачый і в часі примусовой украінізациі.

Петро Медвід в Перличках прочытат короткы вісти надрукуваны в ґазеті «Карпатска Неділя» в червци/юнію 1941 р. Будеме споминати на выбір професора Тиберия Харевича на ведучого артистичного одділіня Підкарпатского Общества Наук, передаме віст про принятя соткы хустскых студентів на 5-денну гостину в Будапешті, про одправу для рускых вояків в Марояповчы та про субвенциі на будову нотарскых домів на ужаньскій верховині.

Теодизия Латтова в Припомінці буде припоминала на фамелию Павловичів, з котрой вышло дуже священників, котры были вызначныма просвітителями русиньского народу.

на фото горі – таблиця присвячена Андрийови Карабелешови в Сваляві (джерело: wikimedia) і поле кукуридзі.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар