Голосник

Апостол – 11. Неділя по Сошестві Святого Духа – неділя 09.15 год.

Чітаня з Першого письма святого апостола Павла Корінтянам.

(Братя), вы печать мойого апостолства в Господі. Моя одповідь тым, што мене судять, є тота: Ці не маме право їсти і пити? Або ці не маме право брати зo собов сестру жену, як і другы апостолы і братя Господа і Петро? Ці лем я і Варнава не маме право так робити? Котрый вояк служить за свої пінязі? Хто насадив виніцю і не їсть єй плоды? Або хто пасе стадо а молоко од стада не пє? Ці тото суть лем мої людьскы нагляды? Ці так не наказує і закон? В Мойсейовім законі є предці написане: “Не запхаш пыск молотячому волови.” Ці Бог ся старать лем о волы? Не є то речене скорше про нас? Так є, про нас то написане, бо хто оре, мусить орати в надії, а хто молотить, молотить в надії, же дістане свою частку. Коли мы вам сіяли духовне, было бы то много жати ваше тілесне? Коли другы мають у вас тото право, чом скорше не мы? Но мы не хосновали того права. Вшытко зношаме, лем жебы сьме не стояли в дорозі Хрістовому Євангелію.


Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.
Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.15 год., повторіня в неділю о 12.15 год. і в понедільок о 02.15 год.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі