Голосник

Апостол – 13. Неділя по Сошестві Святого Духа – неділя 09.17 год.

Чітаня з Першого письма святого апостола Павла Корінтянам.

(Братя), мерькуйте, будьте тверды у вірі, смілы і силны. Вшытко меджі вами най ся робить в любви. Но прошу вас, братя, знате Стефанів дім, котрый першый із цілой Ахаї увірив і посвятив себе на службу святым. Такых слухайте і каждого, хто мозолить і помагать вам. Радую ся, же пришли Стефан, Фортунат і Ахаїкос, бо заступили вас. Заспокоїли моє і ваше сердце. Такым давайте честь! Поздравляють вас Аквіла і Пріскила, і Церьков в їх домі. Поздравляють вас вшыткы братя. Поздравляйте єден другого святым поцілунком! Поздравліня (є писане) мойов руков, Павловов: Хто не любить Господа Ісуса Хріста, най буде проклятый, маран — ата! Благодать Господа нашого Ісуса Хріста з вами! І моя любов із вами вшыткыма в Ісусови Хрістови. Амінь!


Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.
Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.17 год., повторіня в неділю о 12.17 год. і в понедільок о 02.17 год.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі