Голосник

Апостол – 16. Неділя по Сошестві Святого Духа – неділя 09.15 год.

Чітаня з Другого письма святого апостола Павла Корінтянам.

(Братя), мы котры вєдно робиме (на Божім ділі), напоминаме вас, жебы вы благодать Божу не прияли даремно. Бо є речене: В добрім часі я Тебе выслухав, а в день спасіня я тобі поміг. Смоть, теперь добрый час, смоть, теперь день спасіня! Никого в ничім не хочеме знечестити, жебы наша служба была без скверны. У вшыткім ся одкрываме як Божы слугове: У великій терпезливости, в траплінях, в бідах, в нуждах, під ранами, у вязніцях, в непокоях, в тяжкій роботі, в молитвах, в постах, в чістоті, в познаню, в мілосердю, в доброті, в Святім Духу, без фарізейской любви, в слові правды, в силі Божій, із мечом справедливости в правій і лівій руці, в чести і в нечести, в поганах і похвалах, як зводителі, но предці повідаме правду, як непознаны, но предці о нас каждый знать; як умераючі, но смотьте, жыєме, як биты, но не убиваны, як засмучены, но предці все веселы, як худобны, но предці многым роздаваме; ничого не маме, но і так вшытко наше.

 


Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.
Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.15 год., повторіня в неділю о 12.15 год. і в понедільок о 02.15 год.

Шеруй.

О авторі

Avatar

Коментарі