Голосник

Апостол – 2. Неділя по Сошестві Святого Духа – неділя 11.00 год.

0

Чітаня з Письма святого апостола Павла Рімлянам.

(Братя), слава, честь і покій каждому, хто робить добрі, самоперше Жыдови (потім) і Ґрекови. Бо Бог не смотрить на особы. Тоты, котры грішыли без закона, без закона і пропадуть, а тоты, котры грішыли, хоць мали закон, будуть суджены подля того закона. Бо перед Богом не суть справедливы тоты, што закон слухають, но лем тоты будуть очіщены од гріхів, котры го дотримують. Бо кідь погане, котры не мають закона, од природы роблять так, як закон каже, потім суть самы собі законом, хоць не мають закона. А так доказують, же діла закона суть їм написаны в сердцях, о чім свідчіть їх сумліня і їх думкы, котры їх раз обвинюють, раз очіщують. Прийде день, коли Бог буде судити тайны діла подля мойой наукы, через Ісуса Хріста.


Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.
Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

 

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар