Голосник

Апостол – 21. Неділя по Сошестві Святого Духа – неділя 09.16 год.

Чітаня з Письма святого апостола Павла Ґалатянам.

(Братя), знаме, же чоловік не бывать очіщеный од гріхів ділами закона, но лем через віру в Ісуса Хріста. І мы увірили в Ісуса Хріста, жебы сьме были очіщены од гріхів віров в Хріста, а не ділами закона, бо діла закона не можуть никого очістити од гріхів. А кідь бы і мы, котры пильно глядаме одпущіня гріхів в Хрістови, были грішны, ці не быв бы Хрістос служытельом гріха? Наістно ні! Бо кідь я знова будую, што я перед тым збуряв, сам зо себе роблю виноватого. Но я через (Новый) закон умер закону (Старому), жебы я жыв Богу. З Хрістом я роспятый на крест а не жыю уж я, но жыє у мі Хрістос; а покы іщі жыю в тілі, жыю віров в Сына Божого, котрый мене полюбив, а себе самого пожертвовав за мене.


Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.
Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.16 год., повторіня в неділю о 12.16 год. і в понедільок о 02.16 год.

Шеруй.

О авторі

Avatar

Коментарі