Голосник

Апостол – 7. Неділя по Сошестві Святого Духа – неділя 11.00 год.

0
Чітаня з Письма святого апостола Павла Рімлянам

(Братя), мы силны, мусиме нести слабости слабых, а не мати залюбліня самы в собі. Каждый із вас най любить ся ближньому, жебы мав із того хосен і поучів ся. Бо ани Хрістос не мав залюбліня в собі, як є написане: Ображаня ображуючіх пали на мене. А вшытко, што было перше написане, было написане про нас, на поучіня; штобы із терпезливости і потіхы, котру нам давать Письмо, мы мали надію. А Бог терпезливости і потіхы най вам дасть, штобы вы єднак роздумовали меджі собов, як учіть Ісус Хрістос; штобы вы єдинодушно, єдныма устами славили Бога і Отця Господа нашого Ісуса Хріста. Прото приймите єден другого, як і Хрістос прияв вас, на славу Божу.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар