Голосник

Апостол – Римлянам посланя святого апостола Павла чытаня – неділя 10.00 год.

0
Римлянам посланя святого апостола Павла чытаня, зачало 112 (глава 13, 11-14; глава 14, 1-4)

(Братя), тепер мы ку спасіню ближше як тогды, коли мы увірили.

Ніч минула, приходить день. Одшмарьме тоды діла тмы і облечме на себе зброю світла.

Жыйме честно, як через день, не в обжерстві і пянстві, не в нечістоті і роспущености, не в зваді і зависти.

Но облечте ся в Господа нашого Ісуса Хріста, а не старайте ся о планы потребы тіла.

Слабого у вірі берьте (меджі себе), но не перечте ся з ним про його нагляды.

Бо єден вірить, же може істи вшытко, но слабый ість лем ідла з рослин.

Хто (вшытко) ість, най не выйме з чести того, хто не іст (вшытко); а хто не ість вшытко, най не судить того, котрый (вшытко) ість, бо Бог прияв і його!

А ты хто, же судиш чуджого слугу? Перед своім господарьом він стоіть, або падать. Но буде стояти, бо Бог мать силу його потримати.


Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.
Владыка Іван Лавинец

Владыка Іван Лавинец

Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.
владыка Йоан Гірка

Владыка Йоан Гірка

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар