Голосник

Бир Дистрибютор – наш чловек!

0
Літо пришло, а з ним пришли смакы. Дайме си студене пивце. Найліпше наше, од Пряшова. Лем за дуже не мож, бо голова планна.

Днес Русаля, так най кажый дозволит сой кус посвяткувати. Рекомендуєме піти ґу сусідови, а привитати ся словом «Русаля, Русаля, мама впекли паля…». Інче, добре слово тіж радо почути. Кажде свято, ци святко, годне быти звязане з ґрільом, пивцьом і пленером. Шыроко знаный і любленый еміґрантскій «Календар Лемко-Союза», якій составил Ваньо Гунянка в 1935 р., доказал, як треба святкувати, одкале брати материял, де найти потішыня.

Бир Дистрибютор – Йосиф Гончар

Гей краяне памятайте
Свого Лемка не миняйте,
Хочетеся подкріпити
Ордеруйте в него пиво
С Айрон Сити!
В него пива і напиток
Всьо Вам пойде на ужиток!
Ордеруйте все в Гончара
На пикникы ци на балі,
А он радо Вам услужит,
А и с вами ся забавит.
Довезе Вам в день ци в ночы,
Бо он хоче всім помочы.
Угля также добре має
Не мате «кеш» – «на трост» дає.
Заощадите Вы пару доляров
Як дате ордер в Йосифа Гончара.

JOE HONCHAR
Beer Distributor

Цілю зрозуміти, што автор мал на думці, підредакция Фафринді рекомендує взяти до рук анґлицко-русиньскій словник.

Здравиме з праздником,
Фафриндя і сконфіскуване

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар