Голосник

Блягословеный Павел Петро Ґойдіч

 Днес святкуєме 126. річницю народжыня і 54. річницю смерти пряшівского єпископа Павла Петра Ґойдіча.

В чест великого сына нашого народу днес вечер о год. 21.00 в радию лем.фм будеме высилати Акафіст до бл. Павла Петра Ґойдіча.

Петро Ґойдіч вродил ся 17 липця 1888 рока в Рускыx Пеклянаx на Пряшівскій Руси. Теолоґічны студиі зачал в Пряшові, а закінчыл в Будапешті. В 1911 році принял свячыня. В 1922 році в Чернечі Горі коло Мукачева вступил до монастиря отців Василиянів і там принял імено Павел. В 1926 році остал становленый Апостольскым адміністратором Пряшівской єпарxіі. 

25 марця 1927 рока в храмі св. Климента в Римі, де єст похований апостол славян святий Кирил, Павла Ґойдича высвячено на пряшівского єпископа. На авдєнциі папа Пій ХІ дарувал владиці Павлові золотій крест і виповіл слова: “Тот крест є малым симболом тыx велкыx крестів, котры на тебе зошле Господ Бог, мій сыну, в твоій єпископскій службі”.

І то ся сполнило. Як выскокий церковный єрарxа поротестувал против депортациям Жыдів в часі 2 світовой війны. Попри тому на словаx не скінчыл і уратувал вельо пересьлідуваныx Жыдів. За тоты діля в 2007 році был, першый католицкій владика угоноруваний през інститут Яд Вашем меном  “Справедливий медже народамы мира”.

В 1950 ческословацкій уряд зделеґалізуало діялніст Ґрекокатолицкой церквы, а валдику Павла скаржено о зраду. В судовым процесі, довєдна з влядиком Васильом Гопком осуджений остал на дожывотню вязницю, котру пак замінено на 25 років.

Владика Павел Петро Ґойдіч вмер во вязниці 17 липця 1960 рока. В 2001 році Папа Йоан Павел ІІ проголосил го благословеним Католицкой церквы.

Влядика Павел Петро Ґойдіч был посьліднім пряшівскым єпископом якій отверто і барз актывні всперал свій русиньскій нарід.

Часто повтарял слова:”Наш нарід є бідный і опущений, але є наш!”

Бл. Павел Петро Ґойдіч 

Шеруй.

О авторі

Павел Ханас

Новеско-лабівскій любитель істориі Балканів і габсбуржской монархіі. Обсерватор розвитку медженародовой політикы і русиньской культуры во вшыткых куточках світа.

Коментарі