Голосник

«Честный Руснак з Маковиці роздумує в Америці» – Александер Павлович і целебрита – о. Михаіл Раєвскій – проґрам «Говорить Пряшів» – пятниця, 18.10 год.

Радийо Русин.фм з Братиславы як каждый тыжден приносит порцийку вісти о плянуваных культурных подіях і роботі русиньскых інституций – музею, театру і ансамблю Пульс.

В Книжници.фм бібліотекар Ігор Латта буде чытал стих Александра Павловича  «Честный Руснак з Маковиці».

Целебритом того тыжня буде росийскій православный священник Михаіл Федорович Раєвскій. Отец Раєвскій был дипломатом, настоятельом вельох церкви при росийскых посольствах, громадскым діячом і славянофільом. В Відни при росийскій амбасаді робил над шыріньом панславяньскых ідей серед народів aвстро-мадяской mонархіі і позитивно односил ся до еманципацийных стремлінь славяньскых наций. Мал контакты з русиньскыма діячами, такыма як Адольф Добряньскій, Віктор Кімак ци Яків Головацкій.

Од 1973 р. о. Раєвскій зберал фонды на будову православного собору попри росийскій амбасаді в Відни. За жертвы зобраны в тот спосіб поставлена была церков св. Лазаря в Відни (фото долов).

Церков св. Лазаря в Відни

Церков св. Лазаря в Відни

Петро Медвід в Перличках прочытат статю, котра была надрукувана в підкарпатскій ґазеті «Нова Неділя» 22. жолтня/октобра 1939 р. Буде то долшый допис пн. «Торжественне посвячыня катедрального храму в Унґварі». Реставрацийны роботы тырвали 6 місяців і успішно ся закінчыли. Ремонту дозерал сам владыка Александер Стойка, а підпорил го фінансово мадярскій уряд. Посвячыня одбыло ся за участи тисячной громады люди, што пришли специяльні, жебы смотрити на ефекты ремонту.

Припомінкы днес не буде. Наша редакторка Теодозия Латтова єст хвора. Радийо ЛЕМ.фм желат єй поліпшыня і повороту до здравля.

на фото – катедральный собор в Ужгороді (1940 р.) і отец Михаіл Федорович Раєвскій, Wikimedia

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі