Голосник

Ден Дітины в Осташові

0
1. червця/юнія 2019 р. в Ден Дітины Кружок Стоваришыня Лемків з Пшемкоша з його ведучым Євгеном Габуром зрыхтували в Осташові вельо атракций дла діти і іх родичів в рамках проєкту «Наша Світлиця».

Стріча зачала ся о годині 14.00 од забавы в кружку, а пак были конкурсы з нагородами, при котрых інтеґрували ся молодшы діти. Дітячу част з заанґажуваньом вюл артистичный кєрівник дітячой ґрупы Ластівчата – Данько Горощак, з женом Анном. Старша молодіж, головні члены АПіТ «Ластівочка», співала при акордеоні, бесідувала о ріжных справах і плянах ансамблю, а в перервах претігала мотузок.

Родиче в тот час тіж могли зо собом побесідувати, поспоминати і ся інтеґрувати пру кобасі і інчым мясі.

Більше знимок найдете на сайті орґанізатора.

Заява бесіды з орґанізатором подіі в Осташові:

Вшыткы бесіды з участниками почуєте уж в найблизшым часі. О емісиі поінформую Вас в наступным дописі.

Шеруй.

О авторі

Мирко Воргач

Хоц то моі реляциі нагрываны сут на Заході, то слуxай мя в радию Руской Бурсы на частотах: 106.6 МГз в Ґорлицяx, 103.8 МГз в Польковицяx i в цілым світі онляйн на www.lem.fm   ;    Контакт: mirek@lem.fm

Коментар