Голосник

Діти з русиньской Войводины на Літній школі в Попраді

0
Од 2-го до 8-го юла 2018-го року є тридцять дітей із Войводины в Сербії на Літній школі в Попраді. Літню школу абсолвують діти, котры ся навчають русиньскый язык з елементами народной културы як добровольного предмету і діти з навчаньом русиньского языка з Руського Керестура, Коцура і Дюрдьова. Інформовала о тім аґентура Рутенпрес.

Тот рік проходить вже 4-ый річник Літньой школы в Попраді. Як і в попередніх роках є орґанізатором Націоналный совіт русиньской народностной меншыны. Вєдно із дітми до Попраду пришло сім учітелів, котры будуть дітям выкладати русиньскый язык, реліґію, історію, ґеоґрафію, інформатіку і музичну выхову.

Дітям є фінанцоване уквартельованя, страва і часть вытрат на подорожіня. Тот рік першыраз часть вытрат платять і школяри. Окрім навчаня суть про них проготовлены шпортовы актівности ці навщівы околіці.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

 

Шеруй.

О авторі

Петро Медвідь

Народженый в центрі Пряшівской Руси в Пряшові. Локалпатріот. Кавярньовый валюх. Актуалну тему з його точкы погляду мож чути каждый четверь в проґрамі „Вступне до контроли“ о 20.00 год. Контакт: petro@lem.fm

Коментар