Голосник

Днес ден народжыня лемківской пісняркы Юлиі Дошны

Юлия Дошна то єдна з найбарже знаных лемківскых піснярок. Вродила ся в Білянці, а мешкат в Лоси. Свою музычну карєру зачынала в ансамблю Лемковина, аж вкінци надышол такій момент в єй жытю, коли рішыла, же хоче зачати сольову карєру. В серци носила свій образ Лемковины, котий хтіла в лем для себе характеристычний спосіб передати слухачови. В своім музычным доробку ма выдану касету під наголовком “З колядами по Карпатах” і дві платні “Там на Лемковиі” і “Чого плачеш”. Платня “Там на Лемковиі” остала лавреатом Фолькового Фоноґраму 2000.

Днешня ювілятка гостила на вельох музычных сценах, де своім співом презентувала і пропаґувала лемківску культуру. Єст знана не лем на Лемковиі, не лем в Польщы, але на цілым світі.

З нагоды дня народжыня Пані Юлиі ансамбль радия лем.фм желат дуже здоровля, щестя і любови. Сполніня вшелеякых мрий і успіхів в професийным і особистым жытю. Желаме Вам, жебы музыка і інспірациі все грали в вашій душы і плынули ґу нам з найвекшых сцен світа.

julia_doszna_2x1

Шеруй.

О авторі

Моніка Тылявска

Абсольвентка росийской філолоґіі з русиньско-лемківскым языком Педаґоґічного Університету в Кракові. Член Стоваришыня Руска Бурса в Ґорлицях. В лемківскым середовиску барже знана як Настка. Любителька Лемків і іх культуры. Єдина Полька в редакцийным ансамбли.

Коментарі