Днес стріча з Михалом Дудом

0

Днес, 14. листопада/новембра, в рамках циклю «Знаны і люблены ліґничане» пройде стріча з Михалом Дудом, учытельом музыкы та дириґентом, коріня якого выходят з Фльоринкы.

Подія орґанізувана є Товариством Любителів Ліґниці, якє што якысий час просит на стрічы з інтересуючыма людми, што прожывают в Ліґници та вносят част свого жытя в культурний розвиток міста. Днешнім гостьом буде народжений в 1935 році во Фльоринці Михал Дуда, якій такой ціле своє жытя присвятил музыці.

По выгнаню вєдно з родином трафил до Любнєвиц в любускым, а пак до Віснєва близко Тожымя. В 1951 році зачал ходити до музычной школы в Ліґници. По завершыню едукациі професийні звязал ся з музыком. Вюл занятя в музычній школі, культурным домі та вюл симфонічну оркєстру. В 1960 році замешкал в Ліґници, де працувал як учытель музыкы в украіньскым IV Загальноосвітным Ліцею, там тіж вюл шкільны хоры та ансамблі.

По тым як перешол на пенсию, протягом 10-ох років дириґувал хором православной парохіі Воскресіня Христового в Ліґници. Спід свойой дириґентской рукы выпустил здібных музыків, дириґентів, докторантів. Вельократно был нагороджаний за свою професийну ай культурну діяльніст. Найціннійший про него є ордер св. Мариі Магдалины, якым был угоноруваний бл. п. архієпископом Єремійом, владыком вроцлавско-щеціньской єпархіі.

Початок днешньой стрічы о 18.00 год. (ул. Рынок 5/6).

Джерело фот.: www.lca.pl

Share.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.