Голосник

Днес в Камюнці припомянут русиньскы рождественны звыкы

0
Днес, 29. грудня/децембра 2018 р., о пару годин в селі Камюнка на Пряшівскій Руси зачне ся подія, в рамках котрой припоминаны будут святочны традициі і звыкы Камюнчан та Русинів з другых сел реґіону.

«Дни русиньскых звыків і традиций села Камюнка» зачнут ся о год. 16.30 різдвяным молебном в місцевій церкви св. верховных апостолів Петра і Павла, настоятельом якой є русиньскій священник Франтішек Крайняк. По богослужыню в храмі вызвучыт концерт русиньскых коляд.

На 18.00 год. в Культурным Домі заплянуване є одкрытя выставы присвяченой Камюнці, яка перемогла в плебісциті на найліпше село Словациі. Влони Камюнчане одобрали оцініня телевізийного плебісциту Най селечко Словациі (Naj dedinka Slovenska). 

По выставі зачне ся ґальовий концерт «Христос Раждаєт ся», в котрым презентуваны будут м.ін. русиньскы коляды і різдвяны обряды. Орґанізаторе запросили фольклорны ансамблі зо Словаиці і Украіны. Выступлят колективы Шумячан, Сестры Угляровы, Рутенія, Вородай та домашні ґрупы Барвінок, Барвінок – Сеньоры і Барвіночок. З Підкарпатской Руси прикрашати святочний час приде ансамбль Руснакы з Подкарпатя.

Стріча є орґанізувана м.ін. при спілпрацы села Камюнка, Любовяньского Освітнього Oсередка, Русиньской Оброды на Словациі, Общества св. Йоана Крестителя та орґанізациі молоды.Русины.Теперішній председа РОС – Мартін Караш, жыє в Камюнці і окрем роботы в рамках веденой ним орґанізациі є тіж ведучым ансамблю Барвінок.


Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар