Голосник

Днес зачынат ся грекокатолицкє поломництво на св. Гору Явір

0
Днес, 18. липця/юлия 2018 р., з Крениці рушат грекокатолицкє поломництво на св. Гору Явір. Охочы взяти участ мали змогу реґіструвати ся на мультіязыковым сайті www.gora-jawor.pl, котрий ведений єст м.ін в лемківскым языку.

Тогорічне поломництво зачынат ся Службом Божом в креницкым храмі свв. Петра і Павла, по котрым поломникы підут улицями Крениці, жебы пак дойти в перший ден до Баниці. По дорозі будут ся молити в церкви св. Архангела Михала в Мохначці і баницкій церкви свв. Космы і Даміяна. Дальше, в четвер, вірны підут через Ізбы, Біличну, Ріпкы до Ганчовы, а в послідні ден поломництва, 20. липця/юлия, через Высову придут на св. Гору Явір. На місци о год. 9.30 правлений буде молебен до Пресвятой Богородиці, а пак архієрейска Служба Божа.

Більше інформаций найдете на сайті орґанізаторів.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментар