Голосник

Дві Мариі з Ріпника – проґрам «70 процент» – субота, 21.00 год.

В селі Підзамочок коло Бучача Лемків єст дост дуже. Зато бесідуєме одраз з трьома Лемкынями: то дві Мариі і Дария. Про Дарию будеме більше оповідати о тыжден. А дві Мариі сут на знимці: од лівой страны Мария Зіньска, справа сідит Мария Пыж.

Бесідуєме найперше про село Ріпник, а тіж про грушкы-бабиці, про чорны перогы і черешнянку, про різдвяны традициі… З нашой передачы мож буде ся дознати, якє наазвиско давали дітині, котру нашли в поли, што то за курка, котра дзвонит, і котры Лемкы правдивы, а котры ― ніт.


Премєровий одтинок проґраму «70 процент» – в суботу о 21.00 год., повторіня в неділю о 3.00, 9.00 та 12.00 год. за лемківскым часом.

Шеруй.

О авторі

Avatar

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментарі