Голосник

Дзындранова… – 70 процент – субота, 20.00 год. – бесіда з Т. Ґочом

0
Зындранова на Дуклянщыні… Або, як перше Лемкы повідали – Дзындранова… Тота назва маленького гірского села днеска знана всядиль во світі, де жыют Лемкы. Бо як раз ту жыл лемківскій соспільний і культурний діяч, якій прославил своє село, зробил зо свойой загороды музей-скансен – Теодор Ґоч.

Жыл… Як дивно звучыт тото «жыл», бо пред очами стоіт жывий творця і ґазда музею. Єднак вшытко лишыло ся: і хыжы, як – видите на фото, і в них вшыткы експонаты, облечыня і нарядя, а ґазда музейной загороды 5. червця/юнія пішол в далеку-далеку дорогу, одкаль нихто іщы не вертал…

А в нас в радийовым архіві лишыл ся лем його голос… В памят про пана Теодора пропонуєме послухати бесіду з ним, награну три рокы тому.

Шеруй.

О авторі

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментар