Голосник

Едвард Ґріґ, «З повагом», просит Павел Малецкій – неділя, 20.00 год.

В дальшым одтинку проґраму «З повагом» слухати буде мож клясичной музикы Едварда Ґріґа. Был головным представником норвежской нацийональной музикы.

Едврад Ґріґ вордил ся в 1843 році в Берґен, де його і отец, і дідо были бритийскыма консулями, мама была піаністком. Матір была першом учытельком Едварда, пізнійше студиювал на ліпскій консерваториі: фортепіан та композицию.

Ґріґ зачал компонувати іщы перед выіздом на студиі, а коли вернул в 1862 році до Норвеґіі дал свій першый концерт. Знаєміст з норвежскым писменником Бєрснтєрном Бєрнсоном, а головні з композитором Рікардом Нордроком і познаня народной музикы свойой вітчызны спричынили, што Ґріґ рішыл реалізувати ідею нацийональной норвежской штукы.

В пізнійшых роках студиювал гру народных музиків, зберал народны мелодиі – материял перераблял в своіх піснях, брал з них інспірацию для гармонічных розвязянь.

В проґрамі выслухате м.ін. концерт фортепіановый а-моль оп. 16, суіту но 1 оп. 46, суіту но 22 оп. 55 і дакус клясикы інчых клясиків.

Слухайте творчости Ґріґа днес од 20.00 год.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментарі