Голосник

Енді Варгол

ПРАГА

Русины.цз, русиньска ініциятіва в Ческій Республиці і Дім Народовых Меншын Вас сердечні позывают в четвер 31.10.2013 на 18.00 год. до Сполоченьского салу Дому Народовых Меншын (ул. Воцельова 602/3,12000 Прага 2) на мультімедиялный проґрам

ANDY WARHOL is Андрій Варголь

Енді Варгол быв америцкым малярьом, ґрафіком, фільмарьом і лідерском особністю америцкого руху поп-арту. Його родиче были Русининамы, котры подібно як тисячы Словаків і так само Чехів одходили за океан, де глядали роботы і нового ліпшого жытя.

В мультімедиялным проґрамі буде вказаний погляд на Енді Варгола през оптыку Русинів, котры єдностайно глядают і находят в його творчости і жывоті русиньскы особливости. Проґрам буде презентовав мґр Йосиф Кеселіца, председа The Andy WARHOL POP ART Clubu в Свіднику.

Стріча реалізує здружыня Русины.цз – русиньска ініциятива в Ческій Республиці в рамках проєкту Русины в Ческій Республиці – молчаца меншына.

Проєкт спілфінансує МГМП в рамах Проґраму підпоры активности народовых меншын на териториі головного міста Прагы.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментарі