Голосник

Праздник священномученика Максима в Ґорлицях

5. 9. 2019 - 6. 9. 2019, Катедра св. Тройці в Ґорлицях, Ґорлиці

Служеном 5. вересня/септембра о 17.00 год. Всеночном зачнут ся в ґорлицкым православным катедральным соборі св. Тройці богослужыня звязаны з дньом памяти священномученика Максима Ґорлицкого.

В пятницю, 6. вересня/септембра, богослужыня будут проходити уж од 6.00 год. рано, найперше служена буде ранішня Літургія, а по ній, о год. 8.30, буде чытаный Акафист перед мощами святого. Головну Божественну Літургію при участи архієреів заплянувано на 10.00 год.

Ден памяти святого лемківской землі о. Максима Сандовича шторік притігат вірных православной Церкви не лем з Лемковины, але і з дальшых части Польщы та світа. В другых православных храмах сут в тот ден правлены богослужыня.

Отец Максим Сандович был розстріляный австрийскым ротмістром перед ґорлицкым судом в 1914 р. В 80. річницю смерти канонізуваный Польском Автокефальном Православном Церквю як “Мученик за Віру”, але Лемкы зачали вішати в хыжах знимкы о. Максима посеред ікон такой одраз по його смерти, што вказує на розвиток його культу на долго до канонізациі.

Loading Map....