Голосник

Федор Віцо – Русиньска особность 2014-го рока

Як інформує інтернетовый портал rusyn.sk в суботз в Братіславі проходив вже 12-тый бал Русинів, котрый шторік орґанізує Здружіня інтеліґенції Русинів Словеньска (ЗІРС).

Бал быв одкрытый председом ЗІРС-у Михалом Штеньом, котрый міджі участныма привитав і Марію Єдлічкову, повірену задачами уповномоченого про народностны меншыны і етнічны ґрупы в Словацькій републіці.

Майже 180 участных было в рамках балу свідками святочного моменту – передаваня нагороды „Русиньска особность 2014-го рока“. Нагороду по четвертый раз передавало ЗІРС. Порота в складі Володимір Лихварь, Ян Липиньскый і Михал Штеньо вырішыла оцінити за ціложывотный вклад і тырвалый хосен про розвиток русиньской културы Федора Віца, знамого русиньского карікатісту.

Перед Федором Віцом были ЗІРС-ом нагороджены Марко Шкоп, Марія Мачошкова і Михал Штеньо. Нагородежены діставають в рамках нагороды подарунок – зменшену пластіку скулптуры „Медова баба“ од академічного скулптатора Марека Жітняна.

Оріґінал деревяной скулптуры Медова баба находить ся над селом Новоселиця в окресі Снина. Назва скулптуры є повязана з історійов – таємно называть ся подля Жофії Матяшовской, простой, скромной і робітной пчолярькы. Поголоска о якостнім меді од Матяшовской скоро пошырьовав ся. Найвешкыма одберателями меду од Матяшовской были чоколадовні в Коліні і фабрика на перникы в Пардубіцях, пише далше сайт rusyn.sk.

фото: rusyn.sk

Шеруй.

О авторі

Петро Медвідь

Народженый в центрі Пряшівской Руси, в місті Пряшів. Локалпатріот. Актуалну тему з його точкы погляду мож чути каждый четверь в проґрамі Вступне до контроли о 18.10 год. Каждый робочій день од 8.00 год. мож слухати його Корзо, в котрім вас возьме до світа актуалной політікы. Контакт: petro@lem.fm

Коментарі