Голосник

Фестівал културы і шпорту в Міджілабірцях

В днях 27-го аж 28-го юна 2015 р. одбуде ся в місті Міджілабірці вже 53-тій річник Фестівалу културы і шпорту, котрого головным орґанізатором є місто Міджілабірці і співорґанізатором Русиньска оброда на Словеньску.

Фестівал традічно має свою суботню шпортову часть, в котрій буде змагати ся во фотбалі і в колках, но і културну часть. Як раз културна часть на навщівників чекать почас обидвох днів. На сцені вычерять ся много солістів, фоклорных ґруп, колектівів і браковати не буде ани модерна музика.

Подія є реалізована з підпоров Уряду влады Словацькой републікы – проґрам Култура народностных меншын 2015. Покровительство над фестівалом перевзяв председа влады Словацкой републікы Роберт Фіцо. Веце інформацій і детайлів проґраму найдете на плаґаті.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА


Шеруй.

О авторі

Петро Медвідь

Народженый в центрі Пряшівской Руси, в місті Пряшів. Локалпатріот. Актуалну тему з його точкы погляду мож чути каждый четверь в проґрамі Вступне до контроли о 18.10 год. Каждый робочій день од 8.00 год. мож слухати його Корзо, в котрім вас возьме до світа актуалной політікы. Контакт: petro@lem.fm

Коментарі