Голосник

Горці дротуєме

0
Нич сме прорекли хоц єдно словичко і выслали го в ефір, так уж головны украіньскы медиі пошырювали інформациі про ЛЕМ.фм. На столпах в Монастыриску (або Ягільниці) вішали повідомліня – афішы, як за найвызначнійшыма револьверовцями на Дикым Заході.

Не писали лем, яка нагорода стрітит того, якій приведе винуватых цілой бревериі. О пару років іщы векший афіш зрыхтуваний з підґумуваной лютні обвішал наш америцкій пропаґатор. Товды помогло нам тото барз. Днес сме першом лемківском «червеном плахтом на быка». Най вам буде… Обіцюєме надале не сідити тихо, вірґати і антаґонізувати выключні тых «зъєднаных по верхы».

Незмінно од семох років, кланяме ся низко, цілуєме (цілюєме) з ґвера і імаме за серця. З плянів на будуче, плянуєме заєдно над експлорацийом Космосу. І лем єдно нам хыбує, же «Дротаря» уж ніт, як головного карпаторуского слова єдной Галичыны і Підкарпатской Руси.

Акция пропаґатора

Акция пропаґатора

 

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар