«Говорить Пряшів» – четвертий тыжден листопада/новембра – середа, 20.00 год.

0

Вшытко ся скоро змінят. Найскорше іде з хвильом, бо іщы тыжден тому на Лемковині было біло і студено, а старчыло лем пару днів і зас сонце гріє, як бы ближыла ся яр. То хыбаль недобрі, бо на яр приде іщы пора, а мороз і зима час-до-часу ся придают. Не знатя чом вступ до проґраму «Говорить Пряшів» мал бы быти о погоді, коли в нас ся нич не мінят, бо коли дашто обіцюєме – то так є.

Цілы Карпаты знают, же в кажду середу, каждого місяця, по 20.00 год. за русиньскым часом, в радию ЛЕМ.фм, в рамках жывого высыланя мож слухати культурно-історично-популярного проґраму «Говорить Пряшів». Назвы не треба нияк поясняти, бо як штоси іде од Пряшова, то мусит быти добре.

Міцна давка русиньского слова, інофрмаций і істориі лем в зложеным циклю Культурального калейдоскопу, Історичнного Календаря,  Книжници Русин.фм і Нашых целебритів. В тым посліднім – днес про выдатных науковців – Андрия і Івана Дудровичів, Русинів, котры діяли в ХІХ ст. в царскій Росиі.


За рамівком Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Поділь ся.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Контакт: seweryjan@lem.fm

Лиш коментар

Zrealizowano dzięki dotacji Ministra Spraw Wewnętrznych i Administracji.
© Copyright by лем.fm. 2017. Вшыткы права застережены.