«Говорить Пряшів» – пятниця, 20.00 год.

Днес выпадат нам зачати од привитаня єдных – зо Світлым Тыжньом, а другых, што аж ждут на Пасху – з Великым Тыжньом. Так ся поскладало, што і календарі нас ділят, але найважнійше фурт стояти при своім.

Наша редакция дознала ся такой вчера, што юлияне будут мали ліпшы свята, бо сонце присвітит і буде тепло. Хыбаль не вільно так катеґоризувати – ліпшы ци гіршы. Основне, жебы были своі – лемківскы, правдивы, родинны. Знаме, што час нашых вірных святкує подля нового стилю. Но мы, як консервативне радийо про твердых Лемків, за вірном традицийом ідеме на Лемковині за календарьом од самого цисаря Юлия.

За тым тіж знаме, што днес Велика Пятниця. І хоц ден вытишыня та задума, попри тым, просиме слухати поучытельной, мудрой передачы. В «Говорить Пряшів» днес Ісусове казаня на горі Штефана Сухого. В Нашых Целебритах дакус про Петра Сову зо села Гайтовка при Любовни, політика і культурного діяча.