Голосник

«Говорить Пряшів» – пятниця, 20.00 год.

0
Здавати ся може, што ничым новым не годны сме Вас зачудувати. Преця премєра «Говорить Пряшів» звучыт што тыжден. Дотримуєме принципів і обліґаций. Дане нашом редакцийом слово не заводит вірных слухачів.

По правді то тяжко нам порахувати, кілько вірных слухачів має такій проґрам од Пряшова. Іщы перше, коли звучали сме выключно в Інтернеті, можности такы были. Тепер, коли голос іде в традицийний ефір, через нашы два столпы в Горах і на чужыні, слухачів є на много веце, но лем не все дає ся іх порахувати. Радийо в авті то днес основа. Певно веце слухат в автах як дома. Тактичных осягнінь не можеме здраджати, але сме з Вас горды. Є нас «много милийонів» і то нас тішыт. Радийо є вкінци про нашых слухачів з Лемковины, чужыны і другых реґіонів, де сме розшмарены.

В части Нашы Целебриты вызвучыт інформация про Флорияна Заплетала (1884-1969), публицисту, історика, етноґрафа, фотоґрафа, дослідника культуры Підкарпатскых Русинів. Його працы головно зосереджены были на досліджаню архітектуры підкарпатскых церкви, народного будівництва ци вітракiв. Опубликувал тіж опрацуваня пн. «Лемківскій тип русинського храму» (статя вказала ся медже 1923-25 рр.).

Флориян Заплетал

Шеруй.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар