«Говорить Пряшів» – пятниця, 20.00 год.

Сезон вакацийных подій проходит надале. Бодай вшытко іде з іщы векшым розмахом. Лем жаль, же так дуже того, часом і о єдным часі. Тратиме ся, не годны сме рішыти, де нам ліпше піти. Конкуренция велика, єдных тото смутит, другых веселит, бо товды подібно дух в народі іщы жыє. Ци даяк так…

О духах не будеме розправляти, бо о маґію нас посудят і годны донести. А того не хочеме, жебы нас заперли, зліквідували. І то іщы лем зато, же сой кєпкуєме з того, што і так нич не вартат.

Нашы радше ходили на ярмакы до Дуклі, Ґрибова, Ґорлиц – там, де ім найближе было. На знимці видите пряшівскій ярмак, на котрым придбати мож вшелеякы добра. Цікаве, ци кєд бы днеска такы робили, же мож сой з него привести домів ялівку або гуся, то попри тым гандлювали бы доступом до радия. Може бы такє робили. Лем на што кому доступ, кєд радийо за дармо грат. То хыбаль головна ціль. Дотерати там, де своі. А своі тіж в Пряшові. Тото треба нам памятати.

Ближыт ся Святого Яна. Праздник Йоана славний в нашым Ґладышові. То міцна парохія. Де інде тіж Йоаны, Вані, Іваны, Янкы будут святкувати. Но мы днес в Нашых Целебритах посвяткуваєме з Іваном Фрицкым. Дашто припомнеме зо жывота.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Повязаны дописы

Польковиці 103,8 МHz
Ґорлиці 106,6 MHz