Голосник

«Говорить Пряшів» – пятниця, 20.00 год.

0
Днеска пятниця – тринадцетий. Декотры вірят, што такій ден годен принести нещестя, а бодай дашто прикре. Мы ся такых річы не боіме. Важне, што то початок вікенду, часу коли мож сой спочати. Тым більше, бо вакациі продолжают. Тот вікенд і наша Русиньска Ватра в Малым Липнику. Будеме реляцийонувати вшытко тото, чого не годны сте видіти на своі власны оченята.

Горячий то буде вікенд. Субота принесе нам меч о третє місце Чемпіонату Світа в футболи. Заграют Анґлия з Белгійом. Хоц і так правдиве свято футболю то великій фінал, котрий розограний буде в найблизшу неділю помедже двома найліпшыма командами – Хорвацийом і Францийом. Мы сой можеме, а може і покус мусиме, обрати кого будеме в тоты дни підтримувати. Шак надале не маме свойой дружыны. Надія, што то лем справа часу, аж вродит ся Нацийональна Команда Лемковины. О тым сме уж розправляли на шпальтах нашого порталю.

Нич порядні зачнете думати на заранішній і недільний мечы, днес рекомендуєме стрітити ся з нашым радийом. Як кажду пятницю вызвучыт премєра поучытельного голосу з Пряшова. Нашым днешнім целебритом буде музык Дезидерий Задора. В Книжници оповіданя Мариі Мальцовской пн. «Тайомна Улька».


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Шеруй.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар