«Говорить Пряшів» – пятниця, 20.00 год.

Осін на Лемковину пришла гейбы перше, нич каждий з нас подумал. Памятаме час, коли влони о тій самій порі сме ся іщы фест гріли. Тепер ночы уж студены і ани кобаскы з пивцем не годны сме зажывати. Просто треба нам ся ховати дохыж.

Лемковина то єдно. Але сут іщы інчы етнічны русиньскы землі, де ліпше радше не єст. Значыт – красні і чудово є всяди, де лем своі, але мы ту пишеме про погоду, котра за послідніх пару років шаліє. Чудує то не лем ґаздів з нашых рускых сел, але і великы лемківскы медиі. Може тота потреба провіряня штотыжньовой хвилі спричынит ґу тому, же нашы медиі покличут окремий ансамбль занимаючий ся лем погодом? Было бы то штоси хосенне, про тых што сіют, посівают.

Вшытко ся мінят, лем ґрафікон нашого высыланя все тот ґатунково добрий. Стаґнация не все хосенна. Прото і нашы шефредакоры штоси плянуют. Лем мы більше не напишеме, бо не хочеме стратити місця до писаня. Радіє нас, што передача зо самого славного Пряшова надале звучыт серед лемківского народу. Днес в Нашых целебритах буде м.ін. про Медвецку-Лутак Едиту, артистку, родом з Мукачева на Підкарпатскій Руси. Хто цікавий єй біоґрафіі – ждийте не лем того по 20.00 год.