«Говорить Пряшів» – пятниця, 20.00 год.

В Пряшові вчера конферували. На важны темы. Не лем для Русинів одтамале, але для вшыткых. Нас Лемків тіж. Прото і пішли гын нашы редакторе, бо знают, што на Пряшівщыні сут в себе.

Колиси не было «наше – ваше». Так і тепер не повинны сме ся штучно ділити. Тым більше, што од добрых парох років ніт фактичных границ. То нас тішыт, бо годны сме ходити, де ся нам любит. Такій сме нарід, же тиску зо стороны інчых не зносиме і зносити не будеме. Най знают.

Нашы редакторе, а медже нима і шефредактор, принесли нам на днес з Пряшова свіжу авдицию од домашнього радия Русин.фм. Не маме выбору – треба нам проґрам выемітувати.

Лем коротко і ґу реклямі. В Книжници.фм выімок з повісти Свидничанкы, Людмилы Шандаловой, пн. «Червений бере». Веце не здрадиме. Веце днес по 20.00 год.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Повязаны дописы

Польковиці 103,8 МHz
Ґорлиці 106,6 MHz