Голосник

«Говорить Пряшів» – пятниця, 20.00 год.

0
На тоты студены вечеры нич ліпше Вам не остає як лем сісти коло пеца і залучыти перше лемківскє радийо. Рідний голос розгріє, а вісти з Пряшівской Руси може заінтересуют і заохотят.

Сме цікавы, як самы Лемкы підходят до справы зміны часу з літнього на зимовий. Інчы народы сут проти, твердят, што зміна нам непотрібна. Так думат і наша редакция. Хоц тверды і ортодоксийны Лемкы можут мати інчий позір на гевсы темы. Мы лем можеме підповісти, даяк нагварити. Хто нияк не знат, чом на тото споминаме, то Вам повіме. З суботы на неділю поспиме о годину долше.

В днешній премєрі в радию ЛЕМ.фм в Книжници.фм поетицка проза Штефана Юлько пн. «Скламаний Юлько». В Перличці продолжыня репортажу – ІІІ ч. оповіданя «Нашы южны братя». В Нашых вызначных целебритах Михайло Ковач, учытель, культурний діяч войводиньскых Русинів. Теодозия Латтова буде в Припомінці оповідала про бабине літо. В сам раз на студений час.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар