Голосник

«Говорить Пряшів» – пятниця, 20.00 год.

0
Радийо то не перпетум мобіле. Без роботы редакторів нич не буде фунґувало так як має. Прото журналисты, редакторы, радийовці нашых медий зыйдут ся уж заран в централі ЛЕМ.фм – Рускій Бурсі в Ґорлицях.

Стрічы радийовців то нагода, жебы вымінити ся своіма передуманями, але і навчыти ся новых річы. Треба ся фурт школити, жебы професийональніст была на першым місци. Вкінци сме єдиным лемківскым радийом во світі, котре надає через традицийны столпы в Ґорлицях і Польковицях.

Відомо, што і радийо має своі проблемы. Так як в жытю каждого з нас, каждий боре ся з ріжныма пакостями. Прото уж заран зыйдеме ся в Ґорлицях, штобы вшыткы проблемы розвязати, а надале задумати нашы пляны. Стріча редакторів тырвала буде до неділі. Просиме, придте, будте нам радо, а може схочете долучыти до нашого ансамблю.

Днес невельо Вам здрадиме, але здрадиме радше тото основне. В части Перличка выемітуваны будут роздумы Теодозиі Латтовой про 100 років І. Чехословацкой Республикы, державы, яку вєдно творили Чехы, Словакы і Русины. Мусиме про тото памятати і не забыти.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Шеруй.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар