Голосник

«Говорить Пряшів» – пятниця, 20.00 год.

0
Кажда пятниця асоциює ся з початком вікенду, хвильом одпочынку. Але пятниця про вірных слухачів ЛЕМ.фм од шумні долгого часу тямити ся може і з тым, што товды мож слухати нашой постійной премєры – передачы «Говорить Пряшів».

Кєд так єст, як пишеме, то сме рады. Днес ниякых вынятків неє. Проґрам высыламе традицийно по 20.00 год. Радийо Русин.фм, якє є выдавцьом авдициі, на тот тыжден зрыхтувало цікавы темы, котры на Лемковині тіж нам треба постудиювати.

Хто знає Франтішка Тихого? На жаль, певно невельох. Был то чешскій писменник, філолоґ, педаґоґ. Єдным з його професийных успіхів было упорядкуваня творів Будителя – Александра Духновича.

Друга тема на днес то вершы Осифа Кудзея з радийовой Книжници. Не думайте, же то лем тілько. То лем невеличка част того, што днес в ефірі.

До почутя.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Шеруй.

О авторі

Севериян Косовскый

Народжений на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар