«Говорить Пряшів» – пятниця, 20.00 год.

Днес 1 лютого/фебруара. Першый місяц Нового Рока за нами. Злетіло скоро, ани не знатя коли. До кінця рока іщы лем 11 місяци. Подумате, чом пишеме, што «лем іщы»? А зато, што над часом нияк не сме годны запанувати. То єдна з тых слабости людского роду, з яком нияк не даст ся побороти.

Новый місяц то добрый час заєдно на продолжаня проєктів, але і выстартуваня з новыма. Уж о пару дни наша редакцийна колеґія зас зыйде ся в порогах централі в Ґорлицях, жебы розправляти над розвитком і силом лемківской культуры. Гей, не перечули сте ся.

Про любителів Пряшова єдна інформация незмінна. Ваш поучытельный проґрам остає, так як был до той поры. Кєд сте цікавы што днес, так одраз поясняме.

Почуєте про о. Онуфрия Тимко, композитора, дириґента, етномузиколоґа, істого целебриту з Войводины. Остаючы в тамтых странах – Наталия Дудаш і войводиньска поезия. Дальша част буде напевно цікава про вшыткы порядны лемківскы ґаздыні. В Припоминці проголосят нам квашену капусту, основну пожыву і вітаміны в зимі. Буде і про компері і коноплі. Но кєд не про компері, та най Вам же буде, же і про бандуры, ґрулі, карпелі.

До почутя по 20.00 год.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Повязаны дописы

Польковиці 103,8 МHz
Ґорлиці 106,6 MHz