Голосник

«Говорить Пряшів» – пятниця, 20.00 год.

0
Штотыжньовы вісти од Пряшова то порядна порция культуры, інформаций і істориі. То тото, што каждый грамотный повинен черпати. Так уж днес будеме Вас просити на свіжу передачу.

Ефір напевно буде приємный – як все. Тым більше, же хвиля ліпша і ліпша. Сонце сходит, пак выходит высоко горі, а і долше нам світит. Мож при тым робити передвесняны роботы ци то в поли, ци коло хыжы. Антену так накрутити, жебы грало нам ґу приємности радийо. Найліпше, жебы грало што найменьше до 20.00 год.

Бо уж по 20.00 год. наша премєра – при спілпрацы з радийом Русин.фм. Проповіме слово о Василю Ваврику – галицко-рускым писателю, поеті, історику, фольклористі. Буде і література. В Книжници.фм Емилиян Кубек і його «Пасхальный дар».


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар