Голосник

«Говорить Пряшів» – пятниця, 20.00 год.

0
Радийо Русин.фм з Братиславы як што тыжден приносит процийку вісти о плянуваных культурных подіях і роботі русиньскых інституций – музею, театру і ансамблю Пульс.

В Книжници.фм радит бібліотекар Ігор Латта. Днеска буде чытал урывок прозы Мариі Мальцовской. Теодозия Латтова в Припоминці буде рыхтувала паску до свячыня та спомяне на давны великодні звыкы. Петро Медвід як Перличкы прочытат вісти з підкарпатской ґазеты «Нова неділя». Буде про свіже зъєднаня народу Підкарпатской Руси з Русинами, якы дотля жыли під Мадярами. Буде то заохочыня до передплаты новинок і споминаня на Лемковину, котра має друкуваны ґазеты та книжкы на літературным лемківскым языку.

В тым тыжни буде двох Целебритів, оба мали єднакє русиньскє назвиско – Зейкан. Першый то православный мукачівскій єпископ Йоаникій Зейкан, якій жыл в XVII ст. Другій Зейкан то Іван, дипломата, посол росийской імпериі в Відни. Учытель царской родины.

Шеруй.

О авторі

Богдан Ґамбаль

Присутний. Народил єм ся в Польковицях, на Нижнім Шлеску. Люблю ходити там де мі боронят і радити тото чого не дозваляют повідати. Люблю переносити границі. В радию Лем.фм єм од початку. Окрем радия тых моіх початків было більше - Стоваришыня і улюблена - Руска Бурса. Люблю чытати стары русиньскы ґазеты. Зачал єм публикувати іщы в Голосі Ватры. Контакт: gambal@lem.fm

Коментар