Голосник

Грекокатолицкє поломництво на Св. Гору Явір

0

Хоц тогорічне грекокатолицкє поломництво на Святу Гору Явір проходило такой більше як три тыжні тому, аж тепер до нашой редакциі дотерли знимкы, за котры дякуєме Григорийови Пацанови. Долов обшырна фотореляция з поломництва, якє путувало в днях 20.-21. липця/юлия т.р. Поломникы вышли з Крениці, ідучы першого дня ґу Ганчовій через Мухначку, Баницю, Чертіжне і Ріпкы. В Мухначці і Баници в бывшых грекокатолицкых храмах были одслужены короткы богослужыня, а в неістнуючым Чертіжным – панихіда на тамтышнім цмонтери. В пятницю, 21. липця/юлия т.р., на Святій Горі Явір проходили центральны богослужыня.

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар