Голосник

«Хоральна музика може бавити слухачів» бесіда зо С. Дзєдзяком та С. Ґурбом – четвер, 18.30 год.

Заран о 18.00 год. в Ґорлицкым Центрі Культуры пройде ІІІ едиция Фестівалю Хоральной Пісні «Люз Блюз Фольк». Фестівалю, котрый зачал ся з ініциятивы ґорлицкого хору Бельферсінґерс. Просиме выслухати бесіду зо Станіславом Дзєдзяком і Станіславом Ґурбом, членами ансамблю.

Хористы оповідают про Бельферсінґерс та фестіваль «Люз Блюз Фольк», котрый заініциювали і котрый помалы вписує ся в постійный календар імпрез Ґорлиц. Вчас тогорічной едициі выступлят: Підкарпатскій Мужскій Хор, з репертуаром львівскых пісен, хор Акорд з Мєльця, котрый заспіват співанкы Коры і ансамблю Маанам, та Смыковый Квартет «Бескід», якій заграт кельтскы, балканьскы і жыдівскы мелодиі. Звінчыньом буде выступ ґаздів – хору Бельферсінґерс, котрый запрезентує част репертуару, што в остатнім часі награл на платню, а сут то лемківксы і погіряньскы народны співанкы в аранжациях Мирослава Боґоня.

Коли вкаже ся платня? Што ся подіяло з молодом дириґентком хору? З кым спілпрацуют і ци выступуют выключні на поважных імпрезах? Вшыткого дознате ся днес в проґрамі радия ЛЕМ.фм, початок 18.30 год.

Фот. belfersingers.pl

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі