Голосник

I пісня, і слово…

В пятницю 30. січня пополудни львівскы Лемкы, і не лем, придут до Центральной Містецкой Бібліотекы (ул. Мулярскa 2а). Там од 16.00 год. чекают на гости. А будут то дост знаны в львівскым лемківскым середовиску – Роман Курдило і Ігор Дідович. Пан Ігор почытат свою поезию з новой книжкы, а пан Роман, котрий долгы рокы співал в хорі Лемковина, а тепер співат в церковным хорі лемківской церкви в львівскым скансені, заспіват лемківскы співанкы. Кому близко до Львова – щыро запрашаме!

i_pisnia_i_slowo

Шеруй.

О авторі

Avatar

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментарі