Голосник

Карпатскій рік 2018 – фотоґрафічный конкурс

Стоваришыня Рес Карпатіка (Res Carpathica) оголосило шторічный фотоґрафічный конкурс о назві «Карпатскій Рік», в котрым мож было взяти участ высылаючы своі знимкы на адрес орґанізаторів до 31. січня/януара 2019 рока.

Конкурс направленый был на любителів шыроко понятой карпатской тематикы, а знимкы винны быти зроблены в 2018 році. Спосеред пересланых на адрес орґанізаторів знимок, (найбільше мож было выслати три штукы) найліпшы, выбраны комісийом, встановленом Рес Карпатіком, будут брати участ в інтернетовым голосуваню в социяльній сіти Фейсбук. До конкурсу мож было передати так чорно-білы, як і кольоровы працы, а іх формат не мал жадных ограничынь, треба лем было дописати, што представлят выслана конкурсова фотоґрафія.

Тепер ждеме на выбраня через комісию 5 знимок, на котры мож буде голосувати на фейсбуковым фанпейджы, якій найти мож за тым мотузком. Выграт фотоґрафія, котра отримат найбільше полюблінь. Пят фінальных прац буде оголошеных 7. лютого/фебруара 2019 рока, а голосувати на них (через фейсбуковый ляйк) буде мож до 20. лютого/фебруара 2019 рока.

Фото горі: Підкарпатска Русь / архів лем.фм

Шеруй.

О авторі

Демко Трохановскій

Актуальні ховат дві дівкы, а медже, по і попри тым - шефредактор інтернетового порталю lem.fm. Любитель языків. Вшыткых языків.

Коментарі