Голосник

Карпаты як театр воєнных діянь – середа, год. 20.00

I світова война то война, в котрій велику ролю зачалa мати воєнна техніка. То война машыновых карабінів, ґранатів, скоро стріляючой артилериі, з часом танків, бойовых ґазів, бойовых аероплянів, підводных шыф, першых авіяносців. Не мож рівняти єй з нияком інчом.

Так велика кількіст технічных новинок, котры зміняли стратеґіі, не міняла єдного – фурт найважнійшый оставал чловек. Бесідує ся, што І світова война то позицийна война, война вельомісячных боів. Хоц поділена на два головны фронты – західній (о котрым є найбільше бесіды та доступной літературы) і східній, то треба памятати, же ґалицийскій фронт, фронт полудньово-схіній, был так само важный.

Просиме выслухати дальшу з прелекций выголошеных вчас Медженародной Конференциі «Зимова война в Бєщадах 1914-1915. Слідами Бєщадскых Левів», котра прошла в днях 25.-26. марця 2019 р. в Tисній. Професор Мацєй Франз розповіл про схемы розвитку фронтів в передкарпатскій зоні. Выказал він, што ґалицийскій фронт был єдным з трьох найважнійшых цілой І світовой войны. Плянуваный был до переведіня в передкарпатскій обшыри, без входжыня в горы, а тіж з запертьом, через царску армію, можности втіканя австро-угорской арміі за полудньовый хырбет Карпат.

Початок прелекциі 20.00 год.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі