Голосник

Катастрофа Галіфакса і Лібератора – стріча з Александром Ґуцвом

0

Ґорлицкій Ценрт Культуры – Польско-Словацкій Дім ім. Душана Юрковича в Ґорлицях просят на стрічу з Александром Ґуцвом, якій буде оповідал про авіякатастрофы Галіфакса і Лібератора. През долгы рокы істориі обох самольотів были попутаны і зо собом получены.

Дослідникы долго думали, же в лемківскым селі Баниця к. Кривой розбил ся Лібератор, ведений капітаном Зиґмунтом Плютом. Його дружыні поставлено в місци катастрофы памятник в 1969 році. Тепер знаме, же Лібератор ЕВ-275, самольот Польской Ескадры 1586. Специяльного Назначыня ПАФ (яка рахувала 6 екіп з єдном запасовом, трьома Галіфаксами і трьома Лібераторами), был зостріленым 17. серпня 1944 рока в Ольшынах к. Біча німецкым бойовым самольотом.
Друга, окрема, катастрофа мала місце власні в Баници – в ночы 27./28. серпня 1944 рока Галіфакс ІІ ФС-П (ЙП295), якій летіл з Бріндісі з запасами для повстанців Варшавы, остал зострілений ворожыма авіясилами. Командиром екіпы был капітан Францішек Омыляк. Фінальні, потверджыня для такой версиі принесли археолоґічны досліджыня, ведены в двотисячных роках. Новий памятник (з властивом інскрипцийом) ґу памяти екіпы капітана Омыляка одкрыто в 65. річницю траґедиі, 28. серпня 2009 рока в Баници.

Напевно, дуже більше про обі катастрофы дознате ся вчас заповідженой стрічы. По прелекциі предвиджений єст час на звіданя і дискусию.
Стріча буде проходила 9. грудня т.р. (віторок), од 17.00 год. в Польско-Словацкым Домі ім. Д. Юрковича в Ґорлицях.

Александер Ґуцва – учытель, інструктор СПС (Союзу Польского Скаутінґу)  і вельох спортовых дисциплін. Інтересує ся спортом, фотоґрафійом, філятелістыком, садівництвом і історийом Польскых Авіясил на Заході. Як ведучий соспільного комітету, причынил ся до збудуваня памятника, посвяченого авіякатастрофі в Баници, актиалізациі памятковой таблиці в Ольшынах і повставліня нагробных таблиц на Раковицкым Цмонтері в Кракові в бритийскій кватері дружыны Галіфакса. Є автором книжкы Одвага і надія, о істориі зострілінь Галіфакса в Баници і Лібератора в Ольшынах. За свою діяльніст был вельократно нагороджуваний. Од 15 років гоббістычні занимат ся журналістыком і документацийом. Веде порталь sekowa.info.

 

Джерело: sekowa.info, beskid-niski.pl

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар

Катастрофа Галіфакса і Лібератора – стріча з Александром Ґуцвом

0

Ґорлицкій Ценрт Культуры – Польско-Словацкій Дім ім. Душана Юрковича в Ґорлицях просят на стрічу з Александром Ґуцвом, якій буде оповідал про авіякатастрофы Галіфакса і Лібератора. През долгы рокы істориі обох самольотів были попутаны і зо собом получены.

Дослідникы долго думали, же в лемківскым селі Баниця к. Кривой розбил ся Лібератор, ведений капітаном Зиґмунтом Плютом. Його дружыні поставлено в місци катастрофы памятник в 1969 році. Тепер знаме, же Лібератор ЕВ-275, самольот Польской Ескадры 1586. Специяльного Назначыня ПАФ (яка рахувала 6 екіп з єдном запасовом, трьома Галіфаксами і трьома Лібераторами), был зостріленым 17. серпня 1944 рока в Ольшынах к. Біча німецкым бойовым самольотом.
Друга, окрема, катастрофа мала місце власні в Баници – в ночы 27./28. серпня 1944 рока Галіфакс ІІ ФС-П (ЙП295), якій летіл з Бріндісі з запасами для повстанців Варшавы, остал зострілений ворожыма авіясилами. Командиром екіпы был капітан Францішек Омыляк. Фінальні, потверджыня для такой версиі принесли археолоґічны досліджыня, ведены в двотисячных роках. Новий памятник (з властивом інскрипцийом) ґу памяти екіпы капітана Омыляка одкрыто в 65. річницю траґедиі, 28. серпня 2009 рока в Баници.

Напевно, дуже більше про обі катастрофы дознате ся вчас заповідженой стрічы. По прелекциі предвиджений єст час на звіданя і дискусию.
Стріча буде проходила 9. грудня т.р. (віторок), од 17.00 год. в Польско-Словацкым Домі ім. Д. Юрковича в Ґорлицях.

Александер Ґуцва – учытель, інструктор СПС (Союзу Польского Скаутінґу)  і вельох спортовых дисциплін. Інтересує ся спортом, фотоґрафійом, філятелістыком, садівництвом і історийом Польскых Авіясил на Заході. Як ведучий соспільного комітету, причынил ся до збудуваня памятника, посвяченого авіякатастрофі в Баници, актиалізациі памятковой таблиці в Ольшынах і повставліня нагробных таблиц на Раковицкым Цмонтері в Кракові в бритийскій кватері дружыны Галіфакса. Є автором книжкы Одвага і надія, о істориі зострілінь Галіфакса в Баници і Лібератора в Ольшынах. За свою діяльніст был вельократно нагороджуваний. Од 15 років гоббістычні занимат ся журналістыком і документацийом. Веде порталь sekowa.info.

 

Джерело: sekowa.info, beskid-niski.pl

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Контакт: natalia@lem.fm

Коментар