Голосник

Кажду пятницю говорил буде «Говорить Пряшів» – пятниця, 20.00 год.

Гей, добрі чытате наголовок, Дорогы Слухачы. Мы уж по тых змінах, што сме Вам перше заявляли. Значыт, Ваш облюблений (зараз по Чырч параді) пряшівскій проґрам, одтепер до одкликаня, буде в нашым прославленым радию ішол кажду пятницю. Але то іщы нич. Маме новий ґрафік высыланя, ліпшы про Вас годины емісий, а до того і дакы новы проґрамы ся найдут.

То не вшытко. Традицийом нашых заявок про «Говорить Пряшів» повіме Вам, што хыбаль ся зачало уж літо. Такє одчутя мают Русины цілой Карпатской Руси, ай і тоты гет далеко од ней, понеже сонце зачало печы хырбеты тых, што за дня тяжко роблят. І в Ужгороді, і Пряшові, ай Фльоринці літо настало, світ ся радує, а нам ся вшыткым о небо ліпше жыє. Але, же жытя пряшівского слухача є о вельо краще, то іщы за справом того, же што тыжден радийо ЛЕМ.фм приносит на Лемковину вістку од братів з Пряшова в подобі поучытельного проґраму, про якій як раз чытате, Дорога Пані або Дорогій Пане.

Днес, як то все, пару циклів в єдным проґрамі. Напомнеме гев лем на єден. Адже, як нам уж проповіли, в Нашых целебритах буде про славного родака з Кальной Розтокы (окрес Великій Березний) – Ернеста Kонтратовича. Народил ся він 17. мая 1912 р. То выдатний русиньскій маляр, послідовник творчой методы А. Ерделі. В 1927 р. ужгородска Публична Школа Малюваня принимат першу ґрупу русиньской молодежы, серед якой скоро вказал ся маляр Е. Контратович. Будучы іщы студентом Ужгородской Учытельской Семінариі, на початку 30. років створил велику серию картин і портретів жебраків — як своєрідний протест проти товдышньому социяльному проблемови. Дальше робил в народных школах Великого Березного, Сухого, Ужка і заєдно працувал над творами з социяльной тематикы.

Но-ле, більше дознате ся пізнійше. Красні просиме – заєдно щыро дякуєме за выслуханя.

Церков в Кальній Розтоці, джерело: Вікіпедия


За рамівком Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

Шеруй.

О авторі

Севериян Косовскiй

Народженый на чужыні. В 2014 році писал матуру з лемківского языка. Завершыл юридичный факультет Вроцлавского Університету. Окрем того што гев, час-до-часу дописує до часопису Бесіда. Любитель давной Лемковины. Годен годинами слуxати про втрачене лемківскє щестя. Актуальні веде веселый проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментарі