Голосник

„Кермеш” ― так святочні зове ся нова книжка поезий Романа Вархола

„Кермеш” ― так святочні зове ся нова книжка поезий Романа Вархола. І істинно – для люди, котры знают ся на добрій поезиі, то доправды свято.

Вышла друком пару днів тому во Львові, в выдавництві „Сполом”. Лем част поезий є по лемківскы, решта по украіньскы, але написаны про Лемковину, выполнены символами і образами той землі і навет пахнут, якоси так, по лемківскы. Найгірше в тій книжці ― то єй тираж: повідают, же лем сто примірників. Але автор дякує  хоц і за тото сто… голові товариства „Лемківщина” во Львові Степанови Майковичови. Але… так страшні мало! Зато, за деякых пару днів, то уж буде бібліоґрафічна рідкіст. То понагляйте ся, летте по книжку до львівского товариства на пляц Рынок!

***

Даколи приду до Дунаю,
як роса і як слеза, чыстий
на фалі серце своє шмарю
і буде серце моє плысти 

через лісы зелены,
понад горы высокы
до милой, до премиленой,
до Лемковины кароокой. 

Даколи приду до Дунаю,
на дунайовий берег сяду
і буду співати пташкам з раю –
полетят пісні і коляды 

через лісы зелены,
понад горы высокы
до милой, до премиленой,
до Лемковины кароокой.

Шеруй.

О авторі

Avatar

Вродила ся в 1970 році во Львові. І уж неодолга писала, малювала, но і витинала преріжны річы з паперя. І робит тото доднес, але тепер уж в Івано-Франківску. До Лем.ФМ трафила припадково. До того часу робила з дітми, вчыла іх журналистыкы і малюваня. Барз любит люди, якых презентує слухачам в проґрамі «70%». Грызе ся, же єдного дня правдивы Лемкы можут ся скінчыти. Зато, жебы зімати диктафоном вшыткых, глядат когоси доброго і щырого до помочы… Як хочете дашто повісти, то пиште: anna_kyrpan@bigmir.net

Коментарі