Голосник

«Хыжа з душом», універсальна книжка з лемківском символиком. Інтервю з Йоанном Сарнецком – середа, 18.10 год.

«Коли бесідуєме хыжа з душом, то каждый дашто своє думат про тото. Може то быти стара хыжа, в котрій вельо ся діяло, є вельо оповісти. Хыжа гейбы молчыт, але як бы ся вслухати, то тоту душу можна бы почути. Так і я єм чула, коли мешкала-м пару років в старій лемківскій хыжы» – oповідат Йоанна Сарнецка.

Рокы прожываня в лемківскій хыжы попри ярку, в долині села Завадка Рыманівска заінспірували Й. Сарнецку, жебы печатати книжку, завдякы котрій буде мож вказувати, головні дітям, якє значыня мают приватны памятникы – стары хыжы, і якы істориі можут за собом нести. Так тіж ся стало.

В остатнім часі Фундация для Культуры Валізка печатала книжку для діти про загыбаючу спадковину пн. «Хыжа з душом. Книжочка до оповіданя». Авторком головного змісту – ілюстраций, є Ева Кутиляк, а авторком сценария книжочкы, вступу і звідань-задач Йоанна Сарнецка. Ілюстрациі в книжці одкликуют ся до лемківской істориі і культуры, тыкают і тяжкого часу выселінь. «Діти в тій обшыри, на Лемковині, і мам на думці тіж польскы діти, хоц николи про тото не звідую, хто є кым, мают малу свідоміст, як выглядала гевса істория. Зато подумала єм си, же мож єй даяк дискретні, деликатні оповісти, але то очывидні не єст історична книжка» – оповідат Йоанна Сарнцека.

Запрашаме выслухати інтервю з думкодавчыньом печатаня книжочкы і єй спілавторком Йоанном Сарнецком днес о 18.10 год.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі