Голосник

Конец марця – «Говорить Пряшів» – пятниця, 20.00 год.

0

Вкінци ся кінчыт то недобрий марец. Не жебы сме мали штоси до того місяця, але досправды того рока – вынятково хыбаль – істо паскудний ся він явил. Хвиля ся што кус міняла, а за тым лем хвороты ся нас чыпляли.

Надійме ся, што квітен/апріль, якій уж внет приде, буде о вельо ліпший. І теплійше, і якоси жывотно бодай буде. Памятайте, што до кінця марця можете придбати промоцийны білеты на тогорічний Русиньскій Фестіваль. Спіште ся.

Григориянам, вшыткым нашым слухачам – желаме вельо родинного тепла, ай вєдно з другыма слуханя нашого радия в тоты святочны, великодні дни. Христос Воскрес! О тыжден саме єдно выповіме юлиянам.

На днешній вечер просиме слухати в «Говорить Пряшів» поезиі покійного Ґабрієля Гаттінґера-Клебашко (1958-2016), русиньского поеты, писателя, тлумача, редактора, публицисты, музыка і політичниого діяча.

Ґабрієль Гаттінґер-Клебашко

Лебедівый осуд

Уж мі не треба будучность
Бо злом і трап моя душа.
Лем дух твору з правіка
Треба, хто зломе покушіня.

Не дістал єм ша там,
Де ня готове рішеня чекало,
Як шаленый блазом, кому ша
На недуманый азыл нечекало.

Лебедіво ша церил мый осуд,
А у своєй жмені розкотом
Забавно успорядал мый жывот
С котрим і пішол.


Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.

 

Шеруй.

О авторі

Севериян Косовскiй

Народженый на чужыні. Родове гніздо: Ізбы, Ждыня, Ясюнка та Реґєтів і Ріпкы. В 2014 році писал матуру з лемківского языка. Студиює на юридичній факульті Вроцлавского Університету. Окрем того што гев, час-до-часу дописує до часопису «Бесіда». Любитель давной Лемковины. Годен годинами слуxати про втрачене лемківскє щестя. Актуальні веде веселий, дискотековий проґрам Чірч Ґрамофон (віторок і четвер по 21.00 год.). Контакт: seweryjan@lem.fm

Коментар